تہران، اسلام آباد (رضوان عباسی ) پاکستان اور ایران کے درمیان ادبی، ثقافتی اور برادرانہ تعلقات کو مزید مستحکم بنانے کے لیے سفارت خانہ پاکستان تہران اور حوزۂ ہنری ایران کے اشتراک سے یوم اقبال کی تقریب کا انعقاد کیا گیا، جس میں اقبال شناس شخصیات، سفارت کاروں، علمائے کرام اور طلبہ کی بڑی تعداد نے شرکت کی۔
⭕ یومِ ولادتِ مفکرِ پاکستان، علامہ محمد اقبالؒ کے موقع پر ایران کے دارالحکومت تہران میں شہر کے مختلف مقامات پر علامہ اقبالؒ کی تصاویر آویزاں کر دی گئیں، جو شاعرِ مشرق سے ایرانی عوام کی محبت اور عقیدت کا خوبصورت اظہار ہے۔ https://t.co/mb9wThQTzi
— IRANاردو (@IRN_URDU) November 12, 2026
تقریب سے خطاب کرتے ہوئے سفیر پاکستان تہران محمد عمران احمد صدیقی نے کہا کہ علامہ محمد اقبال کے افکار، فلسفے اور شاعری پاکستان اور ایران کے درمیان مشترکہ تہذیبی، ادبی اور ثقافتی ورثے کی عکاسی کرتے ہیں۔ انہوں نے کہا کہ اقبال کا پیغام دونوں برادر ممالک کے درمیان روایتی اور ثقافتی روابط کے فروغ میں اہم کردار ادا کر سکتا ہے۔
تقریب کے موقع پر علامہ اقبال کی شاعری، فکر اور فلسفے پر مبنی خصوصی تصویری نمائش بھی منعقد کی گئی، جس میں شاعرِ مشرق کی زندگی اور ادبی خدمات کو اجاگر کیا گیا۔
بریکنگ نیوز ♦️
تہران میں علامہ اقبالؒ بین الاقوامی کانفرنس اور آرٹ فیسٹیول کے انعقاد
شاعرِ مشرق، حکیم الامت علامہ محمد اقبالؒ کی یاد میں بین الاقوامی کانفرنس اور آرٹ فیسٹیول کے انعقاد کا اعلان کیا گیا ہے۔
دن ۔ جمعرات، صبح 9:00
تاریخ ۔۱۹ نومبر ۲۰۲۶ء
مقام۔ تہران حوزہ ہنری https://t.co/W90IEkNadp— Iran14News اردو (@Iran14News) November 17, 2026
اس کے علاوہ اردو، فارسی اور عربی خطاطی پر مشتمل خصوصی نمائش کا بھی اہتمام کیا گیا، جسے شرکاء نے دلچسپی سے دیکھا۔ تقریب کا مقصد علامہ اقبال کے پیغام کو اجاگر کرنے کے ساتھ پاکستان اور ایران کے درمیان ادبی و ثقافتی روابط کو مزید فروغ دینا تھا۔
مزید پڑھیں:نئے صوبوں کا معاملہ، ایوان صدر میں پیپلز پارٹی کی اہم مشاورت















