اسلام آباد (اے بی این نیوز) وفاقی حکومت کی جانب سے پیٹرولیم مصنوعات کی قیمتوں میں حالیہ کمی کے بعد آج بروز پیر 9 نومبر کو بھی پیٹرول اور ہائی اسپیڈ ڈیزل کی نئی قیمتیں برقرار ہیں۔ شہریوں کو 10 نومبر تک پیٹرولیم مصنوعات انہی مقررہ نرخوں پر دستیاب ہوں گی۔
تفصیلات کے مطابق حکومت نے 7 نومبر سے پیٹرولیم مصنوعات کی نئی قیمتوں کا اطلاق کیا تھا، جس کے تحت پیٹرول اور ہائی اسپیڈ ڈیزل کی قیمتوں میں کمی کی گئی تھی۔
حالیہ نوٹیفکیشن کے مطابق پیٹرول کی فی لیٹر قیمت میں 6 روپے 59 پیسے کمی کی گئی، جس کے بعد پیٹرول کی نئی قیمت 346 روپے فی لیٹر مقرر کی گئی ہے، جبکہ اس کی سابقہ قیمت 352 روپے 59 پیسے تھی۔
اسی طرح ہائی اسپیڈ ڈیزل کی قیمت میں 4 روپے 25 پیسے فی لیٹر کمی کے بعد نئی قیمت 378 روپے فی لیٹر مقرر کی گئی ہے، جو پہلے 382 روپے 25 پیسے تھی۔
حکومت کی جانب سے مقرر کردہ نئی قیمتوں کا اطلاق 7 نومبر سے ہوچکا ہے اور یہ نرخ 10 نومبر تک برقرار رہیں گے۔ آج 9 نومبر کو ان قیمتوں میں کسی نئی تبدیلی کا اعلان نہیں کیا گیا۔
واضح رہے کہ پیٹرول کی قیمت میں کمی سے موٹرسائیکل اور گاڑی استعمال کرنے والے شہریوں کو ریلیف ملنے کی توقع ہے، جبکہ ڈیزل کی قیمت میں کمی سے ٹرانسپورٹ، مال برداری اور زرعی شعبے کے اخراجات پر بھی مثبت اثر پڑ سکتا ہے۔
مزید پڑھیں: پاکستان کے زرمبادلہ ذخائر میں 11 کروڑ ڈالر کا اضافہ، نیا ریکارڈ قائم
