بیجنگ( نیوز ڈیسک) تائیوان کو ہتھیار کی فروخت پر چین نے امریکا کی 2 دفاعی کمپنیوں پر پابندیاں عائد کر دی۔ تفصیلات کے مطابق لاک ہیڈ مارٹن کارپوریشن اور ریتھیون ٹیکنالوجیز کارپوریشن پرپابندیاں عائد کی گئی ہیں۔ امریکی کمپنیوں پر چین سے متعلقہ درآمدات اور برآمدات پر پابندی عائد کی گئیں۔ چین نے تائیوان کو ہتھیاروں کی فروخت پر امریکی دفاعی کمپنیوں کے خلاف کارروائی کی ہے۔چینی وزارت تجارت کے مطابق دونوں امریکی کمپنیاں چین میں کسی قسم کی سرمایہ کاری نہیں کر سکیں گی۔دوسری جانب ترجمان وائٹ ہاؤس کرائن جین پیئر نے چینی دعویٰ مسترد کرتے ہوئے کہا کہ کوئی بھی امریکی کمپنی چین کو دفاعی مصنوعات فروخت نہیں کرتی۔