واشنگٹن ( اے بی این نیوز ) امریکی صدر ڈونلڈ ٹرمپ نے کہا ہے کہ ایران میں جاری جنگ زیادہ دیر تک نہیں چل سکتی کیونکہ ان کے بقول ایران میں اب نشانہ بنانے کے لیے تقریباً کچھ بھی باقی نہیں رہا۔ ان کا کہنا تھا کہ اگر وہ چاہیں تو یہ جنگ جلد ختم ہو سکتی ہے اور موجودہ صورتحال تیزی سے تبدیل ہو رہی ہے۔
غیر ملکی خبر رساں اداروں کے مطابق امریکی صدر نے اپنے تازہ بیان میں کہا کہ جنگ کے خاتمے کا امکان پہلے سے زیادہ قریب دکھائی دے رہا ہے۔ انہوں نے اشارہ دیا کہ خطے میں ہونے والی حالیہ فوجی کارروائیوں کے بعد حالات ایک نئے مرحلے میں داخل ہو چکے ہیں اور آنے والے دنوں میں بڑی پیش رفت سامنے آ سکتی ہے۔
یہ تنازع تقریباً دو ہفتے قبل اس وقت شدت اختیار کر گیا تھا جب امریکا اور اسرائیل کی جانب سے ایران کے مختلف مقامات پر حملے کیے گئے۔ ان کارروائیوں کے بارے میں کہا گیا کہ ان کا مقصد ایران کی فوجی طاقت اور جوہری پروگرام کو کمزور کرنا تھا۔ اس کے بعد خطے میں کشیدگی تیزی سے بڑھ گئی اور دونوں جانب سے سخت بیانات اور جوابی اقدامات دیکھنے میں آئے۔دوسری جانب ایران نے بھی ان حملوں کے بعد سخت ردعمل ظاہر کیا اور متعدد جوابی کارروائیوں کا دعویٰ کیا۔ اسی دوران خطے کے کئی ممالک میں سکیورٹی انتظامات سخت کر دیے گئے جبکہ فضائی دفاعی نظام بھی فعال کر دیے گئے۔ عالمی مبصرین کے مطابق موجودہ صورتحال نہ صرف مشرقِ وسطیٰ بلکہ عالمی سیاست اور معیشت پر بھی اثر انداز ہو سکتی ہے۔
مزید پڑھیں :امریکہ میں فٹبال ورلڈ کپ،ایران کا بہت بڑ اعلان،جا نئے کیا
