کراچی ( اے بی این نیوز )پاکستان تحریک انصاف سندھ کے رہنما بلال منصور نے پاکستان پیپلز پارٹی میں شمولیت کا اعلان کر دیا ہے۔تفصیلات کے مطابق پیپلز پارٹی خواتین ونگ کی صدر فریال تالپور سے پی ٹی آئی کراچی کے رہنما بلال منصور نے ملاقات کی، جس میں صوبائی وزیر سعید غنی، سہیل انور سیال اور ڈپٹی میئر سلمان مراد بھی موجود تھے۔
ملاقات کے دوران بلال منصور نے باضابطہ طور پر پیپلز پارٹی میں شمولیت اختیار کی، جبکہ فریال تالپور نے انہیں پارٹی میں شامل ہونے پر خوش آمدید کہا اور نیک تمناؤں کا اظہار کیا۔واضح رہے کہ حالیہ دنوں میں پی ٹی آئی کو مختلف علاقوں میں سیاسی دھچکوں کا سامنا ہے۔ ڈیڑھ ماہ قبل مظفر آباد میں بھی مرکزی رہنما اور سابق امیدوار اسمبلی سردار شاہنواز اختر نے اپنے سینکڑوں کارکنوں کے ہمراہ مسلم لیگ (ن) میں شمولیت اختیار کی تھی، جسے پارٹی کے لیے ایک بڑا نقصان قرار دیا گیا تھا۔
مزید پڑھیں :پی ٹی آئی کیلئے بری خبر،عمران خان سے ایک اور اہم ترین عہدہ لے لیا گیا،جا نئے تفصیل
