اسلام آباد (اے بی این نیوز)چیئرمین فیڈرل بورڈ آف ریونیو راشد محمود لنگڑیال نے کہا ہے کہ وزیراعظم شہباز شریف کی ہدایت پر تنخواہ دار طبقے کے لیے ٹیکس ریلیف دینے کا عمل شروع کر دیا گیا ہے۔
انہوں نے بتایا کہ آئندہ مالی سال کے بجٹ میں تنخواہ دار افراد کے ٹیکس ریٹ کم کرنے کی تجاویز پر کام جاری ہے۔ اسی طرح بڑی کمپنیوں پر عائد سپر ٹیکس میں مرحلہ وار کمی کے لیے بھی حکومتی سطح پر مشاورت شروع ہو چکی ہے۔ وفاقی حکومت مستقبل میں سپر ٹیکس کے مکمل خاتمے پر بھی غور کر رہی ہے تاکہ ملک میں سرمایہ کاری کو فروغ دیا جا سکے۔
چیئرمین ایف بی آر نے واضح کیا کہ ٹیکس ریٹ میں ممکنہ کمی یا خاتمے کا انحصار ٹیکس کمپلائنس اور ٹیکس دہندگان کی تعداد بڑھانے پر ہوگا۔ ان کے بقول جتنے زیادہ لوگ ٹیکس نیٹ میں آئیں گے، اتنا ہی زیادہ ٹیکس ریٹ کم کیا جا سکے گا۔
مزید پڑھیں :گورنر راج؟کے پی حکومت کا دھڑلے دار رد عمل آگیا،جا نئے کیا
