اسلام آباد  اے بی این نیوز      )مسلم لیگ (ن) کی سینئر رہنما شمائلہ رانا نےکہا ہے کہ ترقیاتی فنڈز براہِ راست ایم این ایز کے اکاؤنٹس میں منتقل کیے جاتے ہیں اور یہ رقم مختلف اسکیموں اور پروجیکٹس کے لیے مختص ہوتی ہے۔

شمائلہ رانا کا کہنا تھا کہ فنڈز کے استعمال میں شفافیت ضروری ہے اور کرپشن کی روک تھام کے لیے سخت نگرانی ہونی چاہیے۔ انہوں نے بتایا کہ 25 کروڑ روپے کے ترقیاتی فنڈز کو مختلف منصوبوں کی نوعیت اور ضروریات کے مطابق تقسیم کیا جاتا ہے، جن کی بدولت اربوں روپے کے ترقیاتی کام ممکن ہوتے ہیں۔وہ اے بی این نیوز کے پروگرام ’’ڈیبیٹ @ 8‘‘ میں گفتگو کررہی تھیں انہوں نے کہا کہ

ان کا کہنا تھا کہ ایم این ایز کے فنڈز ان کے حلقے کے عوام کی فلاح و بہبود اور بنیادی سہولیات کی فراہمی کے لیے دیے جاتے ہیں۔ یہ کسی رشوت یا ذاتی استعمال کے لیے نہیں ہوتے۔

شمائلہ رانا نے خبردار کیا کہ اگر اراکین پارلیمنٹ کے فنڈز روک دیے گئے تو ترقیاتی منصوبے، انفراسٹرکچر کی بہتری اور عوامی سہولیات کے منصوبے بری طرح متاثر ہوں گے۔

مزید پڑھیں :سمندر میں کشتی ڈوب گئی