لاہور (اے بی این نیوز) صوبائی موٹر وہیکل ایکٹ ترمیم 2025 کے تحت وہاڑی پولیس نے ٹریفک قوانین کی خلاف ورزیوں پر نئے بھاری جرمانوں اور سزاؤں کا اطلاق کر دیا ہے۔ نئے ضابطوں کے مطابق اب رفتار کی حد عبور کرنے، غلط اوورٹیکنگ، سیٹ بیلٹ یا ہیلمٹ کے بغیر سفر کرنے سمیت متعدد خلاف ورزیوں پر سخت کارروائی کی جائے گی۔پولیس کے مطابق نابالغ ڈرائیور، جعلی یا بغیر نمبر پلیٹ گاڑی چلانے اور کٹے سائلنسر والی موٹر سائیکل استعمال کرنے والوں کو 6 ماہ تک قید کی سزا بھی سنائی جا سکتی ہے۔ موبائل فون کے استعمال، لین کی خلاف ورزی اور پریشر ہارن لگانے پر 2000 سے 5000 روپے تک جرمانہ مقرر کیا گیا ہے۔نئے قوانین کے نفاذ کا مقصد ٹریفک نظم و ضبط بہتر بنانا، حادثات میں کمی لانا اور سڑکوں پر محفوظ ماحول فراہم کرنا ہے۔ پولیس نے شہریوں سے اپیل کی ہے کہ وہ قوانین کی پابندی کریں تاکہ سخت کارروائی سے بچا جا سکے۔

مزید پڑھیں :گولڈن ویزا میں نرمی