لندن (اے بی این نیوز) وزیراعظم شہباز شریف نے لندن میں اپنا طبی معائنہ کرایا اور برطانیہ میں قیام میں توسیع کر دی۔
تفصیلات کے مطابق وزیراعظم شہباز شریف ایک روز قبل نجی دورے پر برطانیہ پہنچے تھے۔ لوٹن ایئرپورٹ پر ہائی کمشنر ڈاکٹر فیصل اور مسلم لیگ ن کی مقامی قیادت نے ان کا استقبال کیا۔
ذرائع کے مطابق وزیراعظم کا لندن میں طبی معائنہ ہوا اور انہوں نے وہاں قیام مزید ایک دن بڑھانے کا فیصلہ کیا ہے۔
اس سے قبل وزیراعظم نے چار روزہ نجی دورہ مکمل کر کے اتوار کو پاکستان واپس آنا تھا تاہم اب وہ پیر کی سہ پہر لندن سے اسلام آباد کے لیے روانہ ہوں گے۔
مزید پڑھیں:پاکستانی ٹیم کا ٹی ٹوئنٹی میں نیا ریکارڈ قائم
