اسلام آباد( اے بی این نیوز) سبزی منڈی کے قریب نامعلوم افراد کی فائرنگ سے اے ایس آئی علی اکبر شہید۔ وزیر داخلہ نے واقعے کا نوٹس لیتے ہوئے ملزمان کی فوری گرفتاری کا حکم دے دیا۔
اسلام آباد سبزی منڈی کے قریب نامعلوم افراد کے حملے میں پولیس اے ایس آئی علی اکبر شدید زخمی ہوگیا۔ زخمی اہلکار کو فوری طور پر اسپتال منتقل کیا گیا، جہاں وہ زخموں کی تاب نہ لاتے ہوئے چل بسا۔ پولیس کے مطابق اے ایس آئی پیدل جا رہا تھا کہ اچانک نامعلوم شخص نے ان پر خنجر سے حملہ کر دیا۔ شہید اہلکار اکبر خان سپریم کورٹ میں ڈیوٹی پر تھے۔
وفاقی وزیر داخلہ محسن نقوی نے افسوسناک واقعہ کا فوری نوٹس لیتے ہوئے آئی جی اسلام آباد سے تفصیلی رپورٹ طلب کر لی۔ وزیر داخلہ نے شہید اے ایس آئی علی اکبر کے اہل خانہ سے گہری ہمدردی اور تعزیت کا اظہار کیا۔ انہوں نے یقین دلایا کہ واقعہ میں ملوث ملزمان کو جلد از جلد گرفتار کر کے کیفر کردار تک پہنچایا جائے گا۔
محسن نقوی نے کہا کہ وہ شہید اہلکار کے سوگوار خاندان کے دکھ میں برابر کے شریک ہیں اور مکمل انصاف کو یقینی بنایا جائے گا۔
مزید پڑھیں:سابق صدر بار سمیت 3 افراد جاں بحق
