لاہور(اے بی این نیوز) پنجاب میں میٹرک اور انٹرمیڈیٹ کے سالانہ امتحانات کے شیڈول کا اعلان کر دیا۔
میٹرک کے امتحانات 3 مارچ 2026 سے شروع ہوں گے، جبکہ انٹرمیڈیٹ کے بورڈ امتحانات کا آغاز 5 مئی 2026 سے ہوگا۔ علاوہ ازیں محکمہ تعلیم کی جانب سے نئے سیشن کے لیے داخلہ پالیسی میں تبدیلی کر دی گئی ہے، اپ ڈیٹ شدہ سکول کیلنڈر اور نصاب میں ترمیمات کی بھی منظوری دی گئی۔ نیا تعلیمی سال یکم اپریل 2026 سے شروع ہوگا، سرکاری سکولوں میں مفت درسی کتب کی تقسیم 5 اپریل سے کی جائے گی۔
دوسری جانب میٹرک اور انٹرمیڈیٹ امتحانات میں ڈیوٹی دینے والے اساتذہ کو معاوضوں کی عدم ادائیگی کے معاملے میں اہم پیشرفت سامنے آگئی۔ لاہور تعلیمی بورڈ نے سٹاف کی چھٹیاں بند کر دیں، 7 ماہ گزرنے کے باوجود امتحانات کی نگرانی پر مامور ہزاروں اساتذہ کومعاوضہ نہیں ملا تھا۔ لاہور تعلیمی بورڈ نے سپر وائزری سٹاف کو ادائیگیوں کا عمل تیزکر دیا۔
ترجمان کا کہنا ہے کہ جن اساتذہ کو ادائیگیاں نہیں ہوئیں، ان کے بینک اکاؤنٹ درکار ہیں، بورڈ سٹاف معاوضے سے محروم سپروائزری سٹاف کو ادائیگیاں کرے گا۔
مزید پڑھیں۔سونے کی قیمت میں بڑا اضافہ، تمام ریکارڈ ٹوٹ گئے
