راولپنڈی( اے بی این نیوز) پولیس کا سرچ آپریشن، 76 افغان باشندوں کو حراست میں لے لیا۔
راولپنڈی ڈویژن میں پولیس نے کلر سیداں، روات، گوجر خان، چونترہ، دھمیال اور کہوٹہ میں سرچ آپریشن کیا۔
پولیس کے مطابق سرچ آپریشنز میں 1375 گھروں، 412 دکانوں، 28 ہوٹلوں اور 1709 افراد کا ریکارڈ چیک کیا گیا۔
پولیس کے مطابق سرچ آپریشنز کے دوران 76 غیر قانونی افغان باشندوں کو حراست میں لیا گیا جب کہ متعدد کباڑ خانوں، بس، ٹرک سٹینڈز اور کرایہ داروں کا ریکارڈ چیک کیا گیا۔
پولیس کے مطابق کرایہ داری کا ریکارڈ درج نہ کرانے والے افراد کے خلاف 21 مقدمات درج کیے گئے۔
راولپنڈی پولیس کے مطابق سرچ آپریشنز کا مقصد امن و امان کا قیام اور جرائم کا خاتمہ ہے۔
مزید پڑھیں:اسلام آباد کچہری دھماکہ: گرفتار سہولت کار کے بھائی کو بھی حراست میں لے لیا گیا
