لاہور(نیوزڈیسک)چیئرمین پی ٹی آئی عمران خان اور پرویزالٰہی کاحکومت کےمنفی ہتھکنڈوں کامقابلہ کرنےکےعزم کااظہار کیا ہے۔میڈیارپورٹس کے مطابق چیئرمین پی ٹی آئی عمران خان سے چوہدری پرویزالٰہی کی ملاقات ہوئی ہے جس میں سیاسی صورت حال، ملکی معاملات، حکومت کے انتقامی اقدامات پر گفتگو ہوئی۔دونوں رہنماؤں کےدرمیان پنجاب،خیبرپختونخواانتخابات کے معاملے پر بھی گفتگو ہوئی۔عمران خان کا کہنا ہے کہ حکومت کی انتقامی کارروائیوں کے پیچھےکچھ اور لوگ ہیں۔انہوں نے کہا کہ حکومت کوانتخاب کی تاریخ دیناپڑےگی ورنہ آئین شکنی ہوگی، حکومت الیکشن سے نہیں بھاگ سکتی۔سابق وزیر اعلیٰ پنجاب پرویزالٰہی نے کہا کہ پی ڈی ایم کی حکومت نااہلی کے بعد انتقامی کارروائیوں میں بھی ورلڈ ریکارڈبناناچاہتی ہے۔انہوں نے کہا کہ حکمرانوں کے مقدمات سے کوئی خوفزدہ نہیں، روزانہ کی بنیاد پر مقد مات درج کیےجارہےہیں۔پرویزالہٰی نے کہا کہ حکومت سیاسی انتقام میں اندھی ہوچکی ہے، ہمارے لیگل ایڈوائزر عامر سعید کو گھر کے باہر سے اٹھایاگیا۔انہوں نے کہا کہ عمران خان کی مقبولیت سےخوفزدہ پی ڈی ایم الیکشن کی تاریخ دینےکو تیار نہیں، نگران سیٹ اپ جانبداری میں اتنا آگےنہ جائےکہ خود سوالیہ نشان بن جائے۔