لندن (اے بی این نیوز) انوکھی گائیکی کیلئے مشہور سوشل میڈیا اسٹار چاہت فتح علی خان کا خود پر انڈے پھینکے جانے کی وائرل ویڈیو پر ردعمل سامنے آگیا ہے۔

سوشل میڈیا پر جاری ویڈیو پیغام میں چاہت نے بتایا کہ انڈے پڑنے کی یہ ویڈیو 3 ماہ پرانی ہے جو اب منظرِ عام پر آئی اور وائرل ہوئی ہے۔ انہوں نے اس واقعے کی مذمت اور ہمدردی کرنے والے مداحوں کا دل سے شکریہ ادا کیا۔

چاہت نے بتایا کہ 3 ماہ قبل پیش آنے والے اس واقعے کے بعد انہیں مخلتف نمبرز سے کال موصول ہوئیں جن میں انہیں دھمکیاں دی گئیں۔انہوں نے بتایا کہ کالز پر ان سے سوال کیا گیا کہ ’بدوبدی چوٹ زیادہ تو نہیں لگی؟

‘چاہت فتح علی خان کا کہنا تھا کہ وہ ان نمبرز کو پولیس کو دیں گے جو ان لوگوں کیخلاف کارروائی کریگی۔ یاد رہے کہ چاہت فتح علی خان پر ایک کیفے کی اوپنگ کے بعد کیفے کے باہر 2 نامعلوم شخص ان کے سر پر انڈے مار کر فرار ہوگئے تاہم یہ منظر کیمرے میں ریکارڈ ہوگیا اور اب یہ ویڈیو سوشل میڈیا پر وائرل ہو رہی ہے۔
مزید پڑھیں: سی ڈی اے کو2 ہفتے کے اندر ریڑھی بانوں کو ریگولرائز کرنیکی ہدایت