اسلام آباد(اے بی این نیوز)قومی اسمبلی اور صوبائی اسمبلیوں کی تمام مخصوص نشستوں پر بحال اراکین کو معطلی کے عرصے کی تنخواہیں ادا کرنے کا فیصلہ ۔تفصیلات کے مطابق ان 77 اراکین کو 13 مئی 2024 کو معطل کیا گیا تھا ۔

معطلی کا نوٹیفکیشن ہوتے ہی ان کی تنخواہیں روک لی گئی تھی ۔قومی اسمبلی کے مجموعی طور پر 22 اراکین معطل ہوئے تھے ۔ان میں 19 خواتین 3 اقلیتی اراکین شامل تھے ۔ان میں 22 میں سے 19 کی بحالی کا نوٹیفکیشن ہوچکا تین نشستوں پر ہونا باقی ہے ۔قومی اسمبلی کے ان 19 اراکین کو 13 مئی سے لیکر عدالتی فیصلے کی تاریخ تک بنیادی تنخواہیں ادا کی جائیں گی۔

ان اراکین کو ٹی اے ڈی اے اور دیگر الاؤنسز نہیں ملیں گے ۔تیرہ مئی 2024 سے 31 دسمبر 2024 تک ڈیڑھ لاکھ فی رکن بنیادی تنخواہ ادا کی جائے گی ۔یکم جنوری 2025 سے عدالتی فیصلے تک بڑھی ہوئی تںخواہ کے تناسب سے بنیادی تنخواہ ملے گی ۔اسی طرح صوبائی اسمبلی کے 55 مخصوص نشستوں کے اراکین کو بھی بنیادی تنخواہ ان کی اسمبلیوں کے ایکٹ کے مطابق ادا ہوگی۔
مزید پڑھیں: اسلام آباد ہائیکورٹ میں پیکا ترمیمی ایکٹ 2025 کے خلاف درخواستوں پر سماعت