اسلام آباد (نیوزڈیسک) عالمی مالیاتی فنڈ ( آئی ایم ایف)عالمی مالیاتی ادارے آئی ایم ایف نے پاکستانی حکومت سے ایک اور مطالبہ کردیا کہ وہ تمام سرکاری افسران کے اثاثے عوام کے سامنے رکھنے کے ساتھ فوری ضبط کیئے جائیں ، سرکاری افسران کے اثاثے پبلک کرنے کیلئے اتھارٹی قائم کی جائے۔ذرائع ایف بی آر کے مطابق آئی ایم ایف نے بیورکریسی کے بیرون ملک اثاثوں کی تفصیلات مانگ لیں، بیوروکریسی کے بیرون ملک منقولہ اور غیرمنقولہ اثاثے پبلک کرنے کا مطالبہ ، شفافیت اور احتساب کے لئے الیکٹرانک ایسٹ ڈیکلریشن سسٹم قائم کرنے کا بھی مطالبہ کیا گیا ہے۔مزید برآں بینک میں اکاؤنٹس کھلوانے سے پہلے بیورکریسی کے اثاثے چیک کیے جائیں گے، بیوروکریسی کے اکاؤنٹس کھولنے کے لئے بینک ایف بی آر سے معلومات لے سکیں گے، بینک اکاؤنٹس کھولنے کے لئے 17 سے 22 گریڈ کے افسران کو تمام معلومات دینا ہوں گی۔
