بنوں (اے بی این نیوز)بنوں کی پولیس چوکی فتح خیل پر رات گئے دہشتگردوں نے بھاری ہتھیاروں سے حملہ کیا جس میں ایک اہلکار زخمی ہوگیا۔ ریجنل پولیس آفیسرسجاد خان کے مطابق پولیس چوکی فتح خیل پر رات گئےدہشتگردوں نے بھاری ہتھیاروں سےحملہ کیا ، تاہم پولیس کی بھرپور جوابی کارروائی کے بعد ملزمان فرار ہوگئے۔
پولیس کے مطابق اس موقع پر پولیس ٹیم کی قیادت کرنے آرپی او بنوں سجاد خان اور ڈی پی او سلیم عباس کلاچی اور ایس پی سی ٹی ڈی آپریشن کی قیادت کے لیے خود پہنچ گئے۔پولیس کا کہنا ہے کہ دہشتگردوں کی فائرنگ سے ایک کانسٹیبل شدید زخمی ہوا جسے ہسپتال منتقل کردیا گیا ہے ۔ پولیس کے مطابق حملہ آوروں کی گرفتاری کےلیے الرٹ جاری کردیا گیا ہے۔
مزید پڑھیں: تنخواہ دار طبقے کو ریلیف حکومتی اخراجات میں کمی سے مشروط
