فیروز پور ( اے بی این نیوز )بھارتی فوجی سرحد پار کر کے پاکستان میں داخل ہوا، رینجرز نے اسے گرفتار کر لیا۔ پاکستان رینجرز نے پنجاب کے سرحدی علاقے میں بین الاقوامی سرحد عبور کر کے پاکستان میں داخل ہونے والے بھارتی بارڈر سکیورٹی فورس (بی ایس ایف) کے اہلکار کو گرفتار کر لیا۔
بھارتی میڈیا نے بتایا کہ یہ واقعہ بدھ کو فیروز پور ضلع کے قریب اس وقت پیش آیا جب بی ایس ایف کی 182ویں بٹالین سے تعلق رکھنے والا کانسٹیبل پی کے سنگھ وردی پہنے اور سروس رائفل لے کر سرحد کے قریب کسانوں کے ساتھ موجود تھا۔
پاکستانی حکام نے فوری طور پر بھارتی فوجی کو حراست میں لے لیا اور بھارتی حکام کو واقعے سے آگاہ کیا۔رپورٹ میں مزید کہا گیا ہے کہ بی ایس ایف اہلکاروں کی واپسی کے لیے دونوں ممالک کی سرحدی افواج کے درمیان فلیگ میٹنگ جاری ہے۔
مزید پڑھیں :بھارت کے کسی بھی مس ایڈونچر کابھرپور طاقت سے جواب دیا جائے گا، قومی سلامتی کمیٹی
