پشاور(نیوزڈیسک)پشاور پولیس لائنز کی مسجد دھماکے کی رپورٹ پولیس نے تیار کرلی جس کے مطابق ایک بج کر 15 منٹ پر ہوا، دھماکا مسجد کے مرکزی ہال میں ہوا، مسجد کے ہال میں 300 سے 350 افراد کی گنجائش ہوتی ہے، دھماکے سے مسجد ہال کی چھت گرگئی، پولیس لائنزمیں ایلیٹ فورس اور سی ٹی ڈی سمیت مختلف محکمے ہیں،75لاشیں اور 157 زخمیوں کو ملبے سے نکالا گیا پاک آرمی اور ریسکیو کی مدد سے آپریشن جاری ہے، واقعے میں دھماکا خیز مواد کا استعمال کنفرم ہوا ہے، خودکش حملے کے ہونے کو رول آوٹ نہیں کیا جاسکتا، مختلف ٹیموں کی انویسٹی گیشن جاری ہے۔ واضح رہے کہ پشاور میں پولیس لائنز کی مسجد میں ہونے والے خودکش دھماکے میں اب تک شہید ہونے والوں کی تعداد75ہوگئی ہے جبکہ 157 سے زائد افراد زخمی ہیں۔