لاہور(اے بی این نیوز)پاکستان کے سابق ٹیسٹ کرکٹر فاروق حمید انتقال کرگئے۔خاندانی ذرائع نے سابق کرکٹر کے انتقال کی تصدیق کی ہے۔فاروق حمید کی عمر 80 برس تھی، انہوں نے ایک ٹیسٹ میں پاکستان کی نمائندگی کی اور 43 فرسٹ کلاس میچز بھی کھیلے جن میں انہوں نے 111 وکٹیں حاصل کیں۔
فاروق حمید نے 1964 میں میلبرن کرکٹ گراؤنڈ میں آسٹریلیا کے خلاف پاکستان کی نمائندگی کی تھی۔
پاکستان کرکٹ بورڈ کی جانب سے ٹیسٹ فاسٹ بولر فاروق حمید کے انتقال پر اظہارِ افسوس کیا گیا ہے۔چیئرمین پاکستان کرکٹ بورڈ محسن نقوی نے بھی فاروق حمید کے انتقال پر اظہار افسوس کیا، انہوں نے فاروق حمید مرحوم کی درجات کی بلندی کے لیے دعا کی اور کہا کہ اللہ تعالٰی سوگوار خاندان کو یہ صدمہ برداشت کرنے کا حوصلہ عطا فرمائے آمین۔
مزید پڑھیں: بجلی کے نرخوں میں کمی کیلئے تقریب جاری ،وزیراعظم کچھ دیر میں اعلان کرینگے
