راولپنڈی ( اے بی این نیوز ) اڈیالہ جیل کے داخلہ دروازے پر پی ٹی آئی وکلاء اور علیمہ خان کے مابین شدید تلخ کلامی ہو ئی۔ علیمہ خان سمیت بہنوں کی عمران خان سے ملاقات ختم ہو گئی۔
ملاقات کے بعد اڈیالہ کے داخلہ گیٹ پر علیمہ خان کی وکلاء رہنماؤں کے ساتھ تلخ کلامی ہو ئی۔
علیمہ خان نے وکلاء رہنماوں کو چارج شیٹ کردیا۔ علیمہ خان نے کہا کہ عمران خان سے صرف وہی ملاقات کرے گا جسکو کوئی ذمہ داری سونپی گئی ہو۔ بغیر ذمہ داری کے کوئی وکیل جیل کے اندر نہیں جائے گا۔
آپ لوگوں نے کیا ڈرامہ لگایا ہوا ہے ،ہر بندہ صرف ملاقات کیلئے جیل آتا ہے۔ ہمارا بھائی اندر ہے ،ہمارا اس سے پیار ہے ہم اس کیلئے جان بھی دے سکتے ہیں۔ کوئی بھی وکیل اپنی طرف سے عدالت میں اضافی پٹیشن دائر نہیں کرے گا۔
پٹیشن دائر کرنے کا اختیار صرف سلمان اکرم اور سلمان صفدر کے پاس ہے۔ میرے بھائی کی بچوں سے ٹیلی فونک بات نہیں کرائی جا رہی،نہ کتابیں مل رہی ہیں۔ علیمہ خان کا نعیم پنجوتھا سے سوال کہ آپ بشریٰ بی بی کے فوکل پرسن ہیں ،آپ کس کس سے ملتے ہیں۔ نعیم پنجوتھا نے جواب دیا کہ
میں کسی سے نہیں ملا،جس سے ملا ہوں آپ بتائیں۔ علیمہ خان کا نعیم پنجوتھا پر غم و غصہ کا اظہار،علیمہ خان نے کہا کہ میرے ساتھ بدتمیزی نہ کریں۔ ،نعیم پنجوتھا نےجواب دیا کہ میں بدتمیزی نہیں کر رہا،ہم جیلیں بھگت کرآئے،ہم پر پرچے ہوئے ہیں۔علیمہ خان نے کہا کہ
یہ کس طرح مجھ سے بات کر رہے ہیں،خاموش رہیں۔موقع پر کھڑے وکلاء نعیم پنجوتھا کو پکڑ کرسائیڈ پر لے گئے۔ علیمہ خان وکلاء سے بار بار پوچھتی رہیں کہ آپ نے اب تک بانی پی ٹی آئی کیلئے عدالت سے کیا ریلیف لیا ہے۔
مزید پڑھیں :پشاور تعلیمی بورڈ کی آئندہ میٹرک سالانہ امتحانات کیلئے ڈیٹ شیٹ جاری ،جانئے امتحانات کا کب سے آغاز ہو گا
