اسلام آباد(اے بی این نیوز) ترکمانستان میں تعینات پاکستانی سفیر کو امریکا میں داخلے سے روک دیا گیا ۔امریکی حکام نے پاکستانی سفیر کو لاس اینجلس ایئر پورٹ سے ڈی پورٹ کردیا۔اس حوالے سے سفارتی ذرائع کا کہنا ہے کہ پاکستانی سفیر کے کے احسن وگن نجی دورے پر امریکا کے لاس اینجلس ایئرپورٹ پہنچے تھے۔
ذرائع کے مطابق پاکستانی سفیر کے کے احسن وگن کو امریکی شہر لاس اینجلس سے ڈی پورٹ کردیا گیا، باوجود اس کے کہ ان کے پاس امریکی ویزا اور قانونی دستاویزات موجود تھیں۔
سفارتی ذرائع کا کہنا ہے کہ امریکی امیگریشن حکام نے پاکستانی سفارت کار کو امریکا داخلے سے روکا۔سینئر پاکستانی سفیر پر امریکا میں تعیناتی کے دوران انتظامی بدعنوانی کی شکایات تھیں، شکایات کی بنیاد پر پاکستانی سفارت کار کو امریکا میں داخلے سے روکا گیا۔
واضح رہے کہ امریکا کے صدر ڈونلڈ ٹرمپ کی جانب سے سفری پابندی کا حکم نامہ کل جاری ہونے کا امکان ہے۔ امریکی سفری پابندی میں ممکنہ طور پر شامل ممالک کے نام سامنے آگئے جن میں پاکستان، افغانستان، عراق، ایران، لبنان شامل ہوسکتے ہیں۔لیبیا، فلسطین، صومالیہ، سوڈان، شام، یمن سفری پابندی کا شکار ممالک میں ممکنہ طور پر شامل ہیں۔
پنجاب میں پانی کی قلت، زرعی پیداوار متاثر، قحط سالی کا خطرہ،الرٹ جاری
