سینچورین (نیوز ڈیسک)پاکستان ٹیم مینجمنٹ اور سلیکشن کمیٹی نے جنوبی افریقہ کے خلاف جمعرات سے سپر اسپورٹس پارک سینچورین میں شروع ہونے والے پہلے ٹیسٹ میں سات بیٹسمینوں کے ساتتھ میدان میں اترنے کی حکمت عملی بنائی ہے۔

اطلاعات کے مطابق پاکستان کی اننگز کا آغاز ان فارم صائم ایوب کیساتھ کپتان شان مسعود کرینگے۔سابق ٹیسٹ کپتان بابر اعظم جنھیں اس سال اکتوبر میں ملتان کے پہلے ٹیسٹ میں 30 اور 5 رنز بنانے پر انگلینڈ کے خلاف دوسرے اور تیسرے ٹیسٹ سے ڈراپ کردیا گیا تھا، انھیں آؤٹ آف فارم عبداللّٰہ شفیق کی جگہ ٹیم میں شامل کیا جا رہا ہے۔

بابر اعظم نمبر3 پر کھیلیں گے، کامران غلام نمبر چار نائب کپتان سعود شکیل نمبر پانچ جبکہ ون ڈے اور ٹی 20 کپتان وکٹ کیپر محمد رضوان نمبر چھ پر بیٹنگ کرینگے۔بیٹنگ آل راؤنڈر سلمان علی آغا نمبر سات پر بیٹنگ کے لیے آئیں گے۔
مزید پڑھیں: بانی پاکستان قائداعظم محمد علی جناح کا یوم پیدائش آج عقیدت واحترام کیساتھ منایا جارہا ہے