کراچی(نیوز ڈیسک )بانی پاکستان قائداعظم محمد علی جناح کا یوم پیدائش آج روایتی جوش و جذبے کے ساتھ منایا جا رہا ہے۔بابائے قوم کے یوم پیدائش پر آج ملک بھر میں عام تعطیل ہے اور سرکاری و غیر سرکاری ادارے خصوصی تقریبات کا اہتمام کریں گے۔قائداعظم کے یوم پیدائش پر کراچی سمیت ملک بھر میں خصوصی تقریبات کا انعقاد کیا جائے گا۔
دن کا آغاز وفاقی اور صوبائی دارالحکومتوں میں توپوں کی سلامی سے ہواا۔بانی پاکستان کے یوم پیدائش کے موقع پر مزار قائد پر گارڈز کی تبدیلی کی پروقار تقریب اور پاکستان ملٹری اکیڈمی کاکول کا چاق و چوبند دستہ وہاں گارڈز کے فرائض سنبھال لئے ا۔پاک فضائیہ کے جوان مزار قائد پر گارڈز کے فرائض سرانجام دے رہے ہیں۔بابائے قوم کے یوم ولادت کے موقع پر گورنر سندھ کامران ٹیسوری، وزیراعلیٰ سندھ مراد علی شاہ، صوبائی کابینہ، میئر کراچی مرتضیٰ وہاب سمیت دیگر اعلیٰ سول و عسکری حکام اور اہم شخصیات قائد ایوان میں شرکت کریں گی۔
قائداعظم کے مزار پر حاضری دی اور فاتحہ خوانی کی۔یہ شخصیات قائداعظم کو ان کی خدمات پر خراج تحسین پیش کریں گی۔دوسری جانب پاک فوج کے چیئرمین جوائنٹ چیفس آف اسٹاف کمیٹی، سروسز چیفس نے بابائے قوم کو خراج عقیدت پیش کیا ہے۔پاک فوج کے شعبہ تعلقات عامہ (آئی ایس پی آر) کے مطابق افواج پاکستان قائداعظم کی وژن اور بے مثال قیادت کو خراج تحسین پیش کرتی ہے۔
بانی پاکستان کی انتھک جدوجہد نے ہمارے عوام کو متحد کیا۔آئی ایس پی آر کا کہنا ہے کہ قائداعظم محمد علی جناح نے قائداعظم کے اتحاد، ایمان اور نظم و ضبط کے اصولوں کے لیے غیر متزلزل عزم کا اعادہ کرتے ہوئے ایک آزاد اور خودمختار پاکستان کی بنیاد رکھی۔
�مزید پڑھیں: جسٹس منصور علی شاہ کی بطور انتظامی جج سپریم کورٹ ذمہ داریاں ادا کرنے سے معذرت
