نیشنل کاؤنٹر ٹیررازم اتھارٹی (نیکٹا) نے پاکستان تحریک انصاف کے 24 نومبر کے احتجاج میں فتنہ الخوارج کے ممکنہ دہشت گردانہ حملوں کے خطرے کے حوالے سے تھریٹ الرٹ جاری کیا ہے۔ نیکٹا نے اس بات کی نشاندہی کی کہ فتنہ الخوارج کے دہشت گرد پی ٹی آئی کے احتجاج کے دوران دہشت گردانہ کارروائی کر سکتے ہیں۔
نیکٹا کے مطابق، فتنہ الخوارج کے دہشت گرد بڑے شہروں میں حملے کر سکتے ہیں اور ان کی پاکستان میں داخل ہونے کی اطلاعات بھی ہیں، جو افغانستان سے آ سکتے ہیں۔
اس خطرے کے پیش نظر، نیکٹا نے اسلام آباد کے چیف کمشنر، آئی جیز، اور گلگت بلتستان و آزاد جموں کشمیر کے چیف سیکرٹریز کو فوری اقدامات کرنے کی ہدایت دیتے ہوئے مراسلہ ارسال کیا ہے۔ پاکستان تحریک انصاف نے 24 نومبر کو اسلام آباد میں احتجاج کی کال دی ہے، جس کے بارے میں نیکٹا نے خطرات کا عندیہ دیا ہے۔
