راولپنڈی(نیوز ڈیسک ) انسداد دہشت گردی کی عدالت نے بدھ کو 9 مئی کو درج مقدمات میں پاکستان تحریک انصاف (پی ٹی آئی) کے رہنماؤں شبلی فراز، راجہ بشارت، زرتاج گل اور زین قریشی کی ضمانتوں کی توثیق کردی۔
مزید پڑھیں: راولپنڈی ،ڈینگی بخار پھیلنے کا خطرہ ،6 تصدیق شدہ کیسزرپورٹ
9 مئی کو کیس کی سماعت اے ٹی سی کے جج ملک اعجاز آصف نے کی جس میں 500 سے زائد نامزد ملزمان عدالت میں پیش ہوئے۔ تمام ملزمان کی عدالت میں حاضری کو نشان زد کیا گیا۔

عدالت نے شبلی فراز، راجہ بشارت، زرتاج گل اور زین قریشی سمیت 20 سے 25 ملزمان کی ضمانت کی توثیق کردی۔عدالت نے وزیراعلیٰ خیبرپختونخوا علی امین گنڈا پور کی حاضری سے استثنیٰ کی درخواست منظور کرتے ہوئے انہیں آئندہ سماعت پر پیش ہونے کا حکم دے دیا۔9 مئی کے مقدمات کی سماعت 29 مئی تک ملتوی کر دی گئی جو اڈیالہ جیل میں ہو گی۔