کراچی(نیوز ڈیسک )سندھ حکومت نے عیدالفطر کی تعطیلات کا اعلان کردیا۔سندھ حکومت نے عیدالفطر پر چار روزہ تعطیلات کا اعلان کردیا جس کا نوٹیفکیشن بھی جاری کردیا گیا ہے۔
مزید پڑھیں:مارگلہ ہلز ہائیکنگ ٹریلز پر غیرملکی خاتون سیاح ساتھیوں سمیت لٹ گئی

نوٹیفکیشن کے مطابق عید کی تعطیلات 10 اپریل بروز بدھ سے 13 اپریل بروز ہفتہ تک ہوں گی۔خیال رہے کہ محکمہ موسمیات نے شوال کا چاند 9 اپریل کو نظر آنے کا امکان ظاہر کیا ہے۔

محکمہ موسمیات نے عیدالفطر کے چاند کے حوالے سے پیش گوئی کی ہے کہ نئے چاند کی پیدائش 8 اپریل کو رات 11 بج کر 21 منٹ پر ہوگی اور چاند 9 اپریل کو نظر آنے کے امکانات ہیں۔

دوسری جانب وفاقی حکومت نے بھی عیدالفطر پر 10 سے 13 اپریل تک عام تعطیل کا اعلان کیا ہے۔