بہاولپور(نیوزڈیسک)کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف شہروں میں انٹیلی جنس پر مبنی ایک اہم کارروائی کے دوران بہاولپور سے 7 دہشت گردوں کو گرفتار کر لیا۔گرفتار ہونے والوں میں تحریک طالبان پاکستان (ٹی ٹی پی) کا اہم کمانڈر معاویہ بھی شامل ۔ سکیورٹی اہلکاروں نے گرفتار افراد سے بارودی مواد، دستی بم اور اسلحہ بھی برآمد کرلیا۔
آپریشن میں خاص طور پر بہاولپور کو نشانہ بنایا گیا، جہاں سے کالعدم تنظیم کے اندر ایک اعلیٰ شخصیت معاویہ کو سی ٹی ڈی حکام نے پکڑ لیا۔ قانون نافذ کرنے والے اداروں کی تیز رفتار کارروائی سے حکام نے دعویٰ کیا تھا کہ متعدد اداروں پر حملوں کی منصوبہ بندی کی گئی تھی۔حکام کے مطابق صرف رواں ہفتے مجموعی طور پر 935 کومبنگ آپریشن کیے گئے جس کے نتیجے میں 48 مشتبہ افراد کو گرفتار کیا گیا۔
مزید پڑھیں:ڈیموکریسی انڈیکس جاری: پاکستان تنزیلی کیساتھ 118 نمبر کیساتھ، آمرانہ نظام والے ممالک میں شامل
مزید برآں، ان کارروائیوں کے دوران 36000سے زائد افراد سے پوچھ گچھ کی گئی، جس میں سی ٹی ڈی کی جانب سے خطے میں سیکیورٹی کو برقرار رکھنے کے لیے کی گئی وسیع کوششوں کو اجاگر کیا گیا۔گرفتاریاں اور اسلحے کی برآمدگی قانون نافذ کرنے والے اداروں کی دہشت گردی سے نمٹنے اور شہریوں کے تحفظ کو یقینی بنانے کے لیے جاری کوششوں کا اشارہ ہے۔
سی ٹی ڈی نے دہشت گردی کے خطرات سے نمٹنے کے لیے مسلسل چوکسی اور فعال اقدامات کی اہمیت پر زور دیتے ہوئے ایک محفوظ پنجاب کے ہدف کے حصول کے لیے اپنے عزم کا اعادہ کیا۔
