اسلام آباد( اے بی این نیوز) سعودی عرب کی حکومت نے مکہ مکرمہ اور مدینہ منورہ میں 330 ہوٹل، گیسٹ ہائوس اور فرنشڈ اپارٹمنٹ بند کردیے،یہ ہوٹل اور اپارٹمنٹ معمول کے چیک اپ کے دوران بے قاعدگیاں کا پتا چلنے پر بند کیے گئے ہیں،سیاحت کی وزارت نے جانچ پڑتال کے دوران 2 ہزار سے زائد بے قاعدگیاں پائی گئیں، 280 عمارتیں بند کردی گئیں۔ ان عمارتوں کے مالکان نے کاروبار شروع کرنے سے قبل متعلقہ لائسنس حاصل نہیں کیا تھا۔مدینہ منورہ میں جانچ پڑتال کے دوران 1200 سے زائد بے قاعدگیاں پائی گئیں۔ متعلقہ لائسنس حاصل نہ کیے جانے پر 50 عمارتیں بند کردی گئیں۔متعلقہ وزارت نے سیاحتی خدمات فراہم کرنے والے اداروں سے کہا ہے کہ سیاحوں کو زیادہ سے زیادہ سہولتوں کی فراہمی یقینی بنائیں۔سیاحت کی وزارت ملک بھر میں جانچ پڑتال کے ذریعے سیاحوں کے لیے زیادہ سے زیادہ معیاری خدمات کی فراہمی یقینی بنانے کی کوشش کر رہی ہے۔