سڈنی(نیوز ڈیسک) آسٹریلیا کرکٹ ٹیم کے کپتان پیٹ کمنز کی والدہ سڈنی میں انتقال کر گئیں۔ اس حوالے سے کرکٹ آسٹریلیا نے ماریہ کمنز کی گزشتہ رات وفات پر افسوس کا اظہار کرتے ہوئے کہا ہے کہ پیٹ کمنز اور ان کے اہلخانہ اور دوستوں سے دکھ کا اظہار کرتے ہیں۔ واضح رہے کہ آسٹریلیا کرکٹ ٹیم بھارت کے خلاف چوتھے ٹیسٹ کے دوسرے روز بازوؤں پر سیاہ پٹیاں باندھے گی۔کپتان پیٹ کمنز والدہ کی تیمارداری کے لیے دوسرے ٹیسٹ کے بعد بھارت سے وطن واپس چلے گئے تھے۔
