کراچی(نیوزڈیسک) گلشن اقبال کے رہائشی بزرگ شہری عقیل الدین نے تھانہ میں رپورٹ درج کرواتے ہوئے کہا کہ وہ نجی بینک سے امریکی ڈالر لے کر نکلے کہ نامعلوم افراد نے حملہ کردیا اور تقریبا 4 ہزار امریکی ڈالر لوٹ کر فرار ہوگئے ۔ ۔ پولیس نے بزرگ شہری کی درخواست پر نامعلوم ملزمان کے خلاف ڈکیتی کا مقدمہ درج کرلیا۔عزیز بھٹی تھانے کے علاقے گلشن اقبال میں نامعلوم ملزمان بزرگ شہری عقیل الدین ولد بدرالدین سے 4 ہزار امریکی ڈالر لوٹ کر فرار ہوگئے ۔ پولیس نے ڈکیتی کے دفعہ 397/34 کے تحت مقدمہ الزام نمبر 944/2023 درج کر کے تفتیش کا آغاز کر دیا ۔بزرگ شہری عقیل الدین نے پولیس کو اپنے بیان میں بتایا کہ وہ بلاک 13/A گلشن اقبال کے رہائشی اور ملازمت سے ریٹائرڈ ہیں کا بیٹا عدنان عقیل سعودی عرب میں مقیم ہے، جس نے نجی بینک میں4 ہزار امریکی ڈالر بھیجے تھے جو پاکستانی تقریباً 11 لاکھ روپے بنتے ہیں۔بیان کے مطابق 6 دسمبر کو دن تقریباً سوا 12 بجے نجی بینک سے چیک کے ذریعے مذکورہ رقم نکلوا کر رکشہ میں آ رہا تھا کہ موٹرسائیکل سوار 2 ملزمان جس میں سے ایک پینٹ شرٹ اور دوسرا شلوار قمیض میں تھا، آئے اور اسلحہ کے زور پر ان سے 4ہزار امریکی ڈالر چھین کر فرار ہوگئے ۔