مردان(نیوزڈیسک) سیکورٹی فورسز کی مردان میں بڑی کارروائی، آپریشن کے دوران تحریک طالبان پاکستان کا اہم دہشتگرد گرفتار کرلیا ۔ سکیورٹی فورسز کے کامیاب آپریشن سے پشاور دہشتگردی کے بڑے واقعے سے بچ گیا۔ ٹی ٹی پی کے انتہائی مطلوب دہشت گرد نے تفتیش کے دوران اہم انکشافات کیے ہیں۔گرفتار دہشت گرد کی نشان دہی پر ضلع خیبر سے بڑی تعداد میں گولہ بارود، خودکش جیکٹس میں استعمال ہونے والا بارودی مواد ، ڈیٹونیٹر اور اسلحہ برآمد کر لیا گیا ہے۔ٹی ٹی پی کے دہشت گرد آنے والے دنوں میں پشاور میں دہشت گردی کی بڑی کارروائیوں کی منصوبہ بندی کر رہے تھے، جس کو کامیاب آپریشن کے بعد ناکام بنا دیا گیا ہے اور دشمن کے عزائم خاک میں مل گئے ہیں ۔
