کراچی(نیوزڈیسک) نگراں وزیرِ اعلیٰ سندھ جسٹس ریٹائرڈ مقبول باقر نے کہا ہے کہ کراچی شہر پورے ملک کا معاشی حب ہے، سندھ کی ترقی پورے ملک کی ترقی کے برابر ہے۔ اسٹریٹ کرائم کے خاتمے کے لیے انٹیلی جنس کی بنیاد پر آپریشن کر رہے ہیں، پولیس اور رینجرز مل کر کام کر رہے ہیں۔ سیف سٹی پروجیکٹ کے مکمل ہونے سے کرائم کنٹرول آسان ہو گا، صوبے میں اسٹریٹ کرائم کے بہت سے اسباب ہیں، جرائم کے رجحان میں غربت، غیر قانونی تارکین وطن اور ڈرگ مافیا شامل ہیں۔پیر کو نگراں وزیرِ اعلیٰ سندھ مقبول باقر نے نیشنل سیکیورٹی اینڈ وار کورس 24 سے ملاقات کی۔اس دوران آئی جی پولیس رفعت مختار نے اجلاس کے شرکاء کو بریفنگ دی۔اجلاس سے خطاب کے دوران نگراں وزیرِ اعلیٰ سندھ جسٹس ریٹائرڈ مقبول باقر نے کہا کہ ہم سیلاب متاثرین کے لیے بھرپور اقدامات کر رہے ہیں۔