کوہاٹ(نیوزڈیسک)تحریک انصاف پارلیمنٹرین کے سربراہ پرویز خٹک نے سیاستدانوں کی ایمانداری پر سوال اٹھادیا۔کوہاٹ میں خطاب کرتے ہوئے پرویز خٹک نے کہا کہ اگر سیاسی لوگ ایماندار ہوتے تو ملک کا یہ حال نہ ہوتا۔انہوں نے کہاکہ چائنا پاکستان اکنامک کوریڈور (سی پیک) ویسٹرن روٹ میں نے منظور کیا تھا، ہم ہی نے 18 لاکھ عوام کو مفت صحت کارڈ مہیا کیے تھے۔اُن کا کہنا تھا کہ چیئرمین تحریک انصاف (پی ٹی آئی) عمران خان نے نئے پاکستان کا جھوٹا نعرہ لگایا اور ملک کو تباہ کردیا۔ دیگر سیاسی رہنماؤں سمیت چیئرمین پی ٹی آئی نے بھی پاکستان کو قرضوں میں جکڑ دیا، ہمیں چیئرمین پی ٹی آئی سے بہت امیدیں تھیں، مگر وہ صرف امیدیں ہی تھیں۔