اسلام آباد ( اے بی این نیوز )نگران وزیراعظم انوارالحق کاکڑ نے اپنے آبائی علاقے کان مہترزی ضلع قلعہ سیف میں منعقدہ ایک عوامی اجتماع سے ٹیلیفونک خطاب کرتے ہو ئے کہا کہ جلد اپنے آبائی گاؤں کان مہترزئی کا دورہ کرکے شہریوں کو درپیش مسائل کا ذاتی طور پر جائزہ لونگا اور ان کو حل کرنے کی کوشش کروں گا،علاقے کی تمام سیاسی قیادت، قبایلی عمائدین، علماء کرام، سول سوسائٹی اور وکلاء کی جانب سے نگران وزیراعظم نامزدگی پر مبارکباد کے لیے شکر گزار ہوں،آج کے اس پروگرام کے منتظمین کا بھی خصوصی طور پر مشکور ہوں ۔ وزیرِاعظم،کان مہترزئی، قلعہ سیف اللہ کو ملک کے دیگر علاقوں کے برابر لانے اور پسماندگی کے خاتمے کے لیے ہرممکن اقدامات اٹھائے جائیں گے،قلعہ سیف اللہ اور بلوچستان کے دیگر علاقوں میں ترقی کے عمل کو تیز کرکے روزگار کی فراہمی اور امن وامان کے لیے اقدامات اٹھائے جائیں گے،تقریب میں مختلف سیاسی جماعتوں کے رہنماؤں، قبایلی عمائدین، علماء کرام، صحافیوں، زمینداروں، وکلاء سمیت دیگر شعبوں تعلق رکھنے والے لوگوں نے بڑی تعداد میں شرکت کی۔
