اسلام آباد (نیوزڈیسک)ن لیگ کی سینئر نائب صدر مریم نواز نے کہاہے کہ پوری مسلم لیگ (ن) کو طلال چوہدری پر فخر ہے۔بدھ کو طلال چوہدری کی نااہلی کی مدت ختم ہونے پر مریم نواز نے جشن مناتے ہوئے پارٹی رہنماؤں کے ہمراہ کیک بھی کاٹاجبکہ طلال چوہدری، پرویز رشید اور دیگر پارٹی رہنما بھی اس موقع پر موجود تھے۔مریم نواز نے کہا کہ ہمت اور یقین طلال جیسے لوگوں کی صورت میں نظر آتے ہیں، طلال کا قد ان لوگوں سے اونچا ہے جنہوں نے آپ کو انتقام کا نشانہ بنایا۔انہوں نے کہا کہ وہ بدصورت تاریخ کے کوڑے دان کا حصہ ہیں،طلال حال اور مستقل ہیں۔