راولپنڈی ( اے بی این نیوز ) شاہراہوں اور اندرون شہر ٹریفک کا اژد ھام، شدید رش ،ایئرپورٹ روڈ،عمار چوک،بوستان روڈ پر ٹریفک جام اور لمبی لائنیں، ترجمان ٹریفک پولیس کے مطابق اسلام آباد ہائی وے پر ورکنگ کے باعث سواں پل کے دونوں اطراف بھی ٹریفک کا شدید دباؤ ہے،سی ٹی او تیمور خان کے احکامات پر رش والے مقامات پر اضافی اہلکار تعینات کر دیے گئے، سی ٹی او تیمور خان نے بتایا کہ شہریوں کی سہولت کے پیش نظرسواں پل کے مقام پر دوطرفہ ٹریفک چلائ جا رہی ہے۔سواں پل اور جہلم روڈ پر پیٹرولنگ ڈیوٹی میں بھی اضافہ کر دیا گیا ہے،اسلام آباد ہائی وے پر ورکنگ کے باعث راولپنڈی کی چند شاہراہوں پر ٹریفک کا دباو بڑھا،ٹریفک کی روانی کو برقرار رکھنے کے لیے تمام افسران و جوان بھر پور محنت کر رہے ہیں،شہریوں سے گزارش ہے کہ دوران ڈرائیونگ تحمل مزاجی کا مظاہرہ کریں۔
