اسلام آباد (نیوزڈیسک)آئل اینڈ گیس ریگولیٹری اتھارٹی (اوگرا) نے ایل پی جی کی قیمتوں میں اضافے کا نوٹس لے لیا۔ترجمان اوگرا نے بتایاکہ نوٹیفائیڈ قیمتوں پر فروخت یقینی بنانے کے لیے مارکیٹنگ کمپنیوں کو ہدایت جاری کردی گئی ہے۔ترجمان کا کہنا تھا کہ صوبائی اور ضلعی حکومتوں سے بھی نرخ کنٹرول کرنے کے لیے رابطہ کرلیا ہے۔ترجمان کا کہنا تھاکہ ڈسٹری بیوٹرز تمام آؤٹ لیٹس پر قیمتوں کا اندراج یقینی بنائیں، گیس کی قیمتیں کنٹرول کرنا ضلعی یا صوبائی انتظامیہ کا کام ہے۔
