راولپنڈی (اے بی این نیوز     )راولپنڈی میں گزشتہ چوبیس گھنٹوں کے دوران سرقہ بالجبر، سٹریٹ کرائم، چوری کے81 مقدمات درج کر لئے گئے،چوبیس گھنٹوں میں شہری 24موٹرسائیکل، رکشہ، لاکھوں روپے مالیت کی ملکی و غیر ملکی کرنسی،طلائی زیوارت سے محروم ہع گئے،نیو ٹاؤن سٹریٹ کرائم کے دوران ڈاکو بزرگ خاتون کے کانوں سے طلائی بالیاں نوچ کر فرار ہو گئے،وارث خان کے علاقے سے ندیم خان سے ڈاکووں نے 50ہزار روپے، موبائل فون، گھڑی اور سونا مالیت 2لاکھ روپے چھین لیا،نیوٹاؤن گھر میں موجود اکیلی بوڑھی خاتون کو یرغمال بنا کر نقدی 11لاکھ اور طلائی زیورات لوٹ لیے گئے ، ویسٹریج میں ڈاکو اہل خانہ سے اسلحہ کی نوک پر سونا مالیت 12لاکھ روپے،تین لاکھ نقدی اور پرائزبانڈ لے آڑے ،صادق آباد کے میں جوادکے گھر سے اسلحہ کے زور پرنقدی 5لاکھ روپے اور سونا مالیت 14لاکھ روپے لوٹ لیا گیا ،صدر بیرونی کے علاقے میں ڈاکٹر کے گھر سے 8 لاکھ مالیت کے طلائی زیورات ڈاکو لے کر فرار ،روات میں دو گھروں 15 تولے سونا اور تین لاکھ چور لے کر رفو چکر ہو گئے۔