اسلام آباد(نیوزڈیسک)پاکستان بین الاقوامی مالیاتی فنڈ (آئی ایم ایف) کے ساتھ بیل آؤٹ پیکج کوحتمی شکل دینے کے قریب پہنچ گیا کیونکہ سعودی عرب نے پاکستان کو دیوالیہ ہونے سے بچانے میں مدد دینے کیلئے عالمی قرض دہندہ کو 2 ارب ڈالرقرض دینے کی یقین دہانی کرائی ۔پاکستان کی وزیرمملکت برائے خزانہ ڈاکٹرعائشہ غوث پاشا نے اسلام آباد میں صحافیوں کو بتایا کہ آئی ایم ایف نے عندیہ دیا ہے کہ اسے سعودی عرب کی جانب سے یقین دہانی کرادی گئی ہے۔انھوں نے کہا کہ آئی ایم ایف کے ساتھ معاہدہ اب بھی متحدہ عرب امارات کی جانب سے اسی طرح کے ایک ارب ڈالر قرض کے وعدے پرمنحصر ہے جبکہ دوسری جانب آئی ایم ایف نے فوری طور پراس معاملے پر تبصرہ نہیں کیا ہے۔
