اسلام آباد(نیوز ڈیسک) وفاقی وزیر ماحولیاتی تبدیلی اور سینیٹر شیری رحمان نے کہا ہے کہ بنچ میں تنازعات اور تقسیم ،عدلیہ کی ساکھ کے لیے ٹھیک نہیں ،بنچ متنازع ہو جائے تو وہ انصاف نہیں ہوتا۔آج سماجی رابطے کی ویب سائٹ ٹوئٹر پر اپنے بیان میں وفاقی وزیر ماحولیاتی تبدیلی اور سینیٹر شیری رحمان نے کہا کہ بنچ میں تنازعات اور تقسیم ،عدلیہ کی ساکھ ٹھیک نہیں۔ انہوں نے کہا کہ یہ بنچ اکثریت اور غیرجانبداری کھو چکا انہوں نے کہا کہ فیصلے سے پہلے بنچ متنازع ہو جائے تو وہ انصاف نہیں ہوتا ۔
اس بحران کا حل کورٹ کی اجتماعی دانش میں ہے۔ 3 ججز پر مشتمل بینچ کا فیصلہ عدالتی اجتماعی دانش نہیں ہو سکا۔ معزز ججز کو اندرونی تقسیم اور تنازعہ کو زائل کرنے کیلئے ایک ساتھ بیٹھنا چاہئے۔ عدالت کو اپنی ساکھ اور غیرجانبداری کے تاثر کو بحال کرنے یہ موقع ضائع نہیں کرنا چاہئے۔ 3/3
— SenatorSherryRehman (@sherryrehman) April 1, 2023
وفاقی وزیر ماحولیاتی تبدیلی اور سینیٹر شیری رحمان نے کہا فل کورٹ بنچ کی استدعا پھر مسترد کی گئی ،عدالت سے گزارش ہے فل کورٹ بنچ کی درخواست پر نظرثانی کرے۔ انہوں نے کہا کہ یہ حکومت کا نہیں پوری قوم کا مطالبہ ہے، 3 ججز پر مشتمل بنچ کا فیصلہ عدالتی اجتماعی دانش نہیں ہو سکتا ۔ انہوں نے کہا کہ عدالت کو اپنی ساکھ بحال کرنے کا موقع ضائع نہیں کرنا چاہیے۔
