اسلام آباد(نیوزڈیسک) وفاقی وزیر خزانہ اسحاق ڈار نے ایک تقریب میں خطاب کرتے ہوئے کہا کہ قوم کو اب آئی ایم ایف کے بغیر رہنا سیکھنا ہوگا۔پاکستان ڈیفالٹ کرنے کیلئے نہیں بنا ، پاکستان کا بیرونی قرضہ 4 ارب ڈالر کم ہوگیا، ملک میں گراوٹ کو روک دیا اب اسے مکمل ریورس کرنا ہے۔اسحاق ڈار کا کہنا تھا کہ 2013 سے 2018 تک معیشت میں 126 ارب ڈالر اضافہ ہوا اور گزشتہ 5 سال میں صرف 26 ڈالر کا اضافہ ہوا۔ وزیر خزانہ نے مزید کہا کہ 30 جون تک غیر ملکی زرمبادلہ کے ذخائر 12 ارب ڈالر پر لانے کی کوشش ہے، پاکستان ترقی کرے گا، خسارے پر قابو پائیں گے، 8 ماہ کا کرنٹ اکاؤنٹ خسارہ 4 ارب ڈالر سے کم ہے۔