اسلام آباد(اے بی این نیوز ) اسلام آباد کی عدالتوں میں چیئرمین پی ٹی آئی عمران خان کے خلاف کل دو اہم کیسز کی سماعت ہوگی۔ مبینہ بیٹی ٹیریان کو ظاہر نا کرنے پر عمران خان کے خلاف نااہلی کیس کی سماعت اسلام آباد ہائیکورٹ کے چیف جسٹس عامر فاروق کی سربراہی میں لارجر بینچ کرے گا۔ جسٹس محسن اختر کیانی اور جسٹس ارباب طاہر بھی بینچ میں شامل ہیں۔دوسری جانب توشہ خانہ فوجداری کارروائی کے کیس کی سماعت ایڈیشنل سیشن جج ظفر اقبال کریں گے۔ سیشن کورٹ نے عمران خان پر فرد جرم عائد کرنے کی تاریخ مقرر کر رکھی ہے۔ مبینہ بیٹی کو ظاہر نا کرنے پر نااہلی کیس کی سماعت ہائی کورٹ جبکہ توشہ خانہ فوجداری کارروائی کے کیس میں سیشن کورٹ نے عمران خان کو ذاتی حیثیت میں طلب کیا ہے۔
