تہران ( اے بی این نیوز    )ایران کی قومی سلامتی کونسل کے سیکرٹری علی لاریجانی نے سماجی رابطے کی ویب سائٹ پر خبردار کیا ہے کہ عالمی سطح پر ایک نئی سازش تیار کی جا رہی ہے جو ایران کے خلاف جھوٹے الزامات پر مبنی ہو سکتی ہے۔ ان کے مطابق کچھ عناصر ایسے منصوبے کی تیاری کر رہے ہیں جس کا اندازہ لگایا جا سکتا ہے کہ وہ پچھلے بڑے دہشت گرد حملوں جیسے ہو اور ایران پر الزام عائد کیا جائے۔
نائن الیون جیسا کوئی واقعہ کرکے الزام ایران پر ڈال دیا جائے گا ۔
انہوں نے زور دیا کہ ایران کسی بھی دہشت گردانہ کارروائی یا عالمی امن کے لیے خطرہ پیدا کرنے والے منصوبے کی حمایت نہیں کرتا۔ ایران ہمیشہ تنازعات کو سفارتی اور سیاسی طریقوں سے حل کرنے پر یقین رکھتا ہے اور اس کا امریکی عوام کے ساتھ کوئی دشمنی پر مبنی تعلق نہیں ہے۔

سیکرٹری نے یہ بھی واضح کیا کہ ایران کی پالیسی امن، استحکام اور عالمی تعاون کے فروغ پر مرکوز ہے اور وہ کسی بھی جھوٹے الزام یا سازش کے خلاف عالمی سطح پر موقف اختیار کرے گا۔

مزید پڑھیں :عیدالفطر کے موقع پر ملک بھر میں عام تعطیلات کا باضابطہ اعلان