اسلام آباد ( اے بی این نیوز )دفتر خارجہ نے بھارتی فوج کے گولڈن ٹیمپل کو نشانہ بنانے کے الزام کو مسترد کر دیا ہے۔
دفتر خارجہ کے ترجمان نے ایک بیان میں کہا کہ پاکستان کبھی بھی گولڈن ٹیمپل جیسے مقدس مقام کو نشانہ نہیں بنا سکتا، اور بھارتی الزامات بے بنیاد اور ناقابل قبول ہیں۔
ترجمان نے مزید کہا کہ بھارت نے خود 6 اور 7 مئی کی درمیانی رات پاکستان کی عبادت گاہوں کو نشانہ بنایا، اور بھارتی الزامات کا مقصد اپنے غیرمناسب اقدام سے توجہ ہٹانا ہے۔ ترجمان نے اس بات پر زور دیا کہ پاکستان سکھ مذہب کے مقدس مقامات کا تحفظ کرتا ہے، اور ہر سال ہزاروں سکھ یاتری پاکستان آتے ہیں۔ پاکستان کرتارپور راہداری کے ذریعے سکھ یاتریوں کو ویزا فری رسائی فراہم کرتا ہے۔
