اسلام آباد (  اے بی این نیوز        )عمران خان کی حکومت سے بات چیت پر آمادگی کی خبر، وزیر دفاع خواجہ آصف کا تبصرہ کرنے سے گریز۔ وزیر دفاع خواجہ آصف کی اے بی این نیوز سے خصوصی گفتگو،انہوں نے کہا کہ
کوئی بھی آواز جو پی ٹی آئی سے نکلتی ہے اندر ہی اندر اس کی تردید بھی شروع ہو جاتی ہے۔ بلکہ پی ٹی آئی میں آپس میں لڑائی شروع ہو جاتی ہے۔ ان کی ہمشیرہ علیحدہ بیان دیتی ہیں،خیبرپختونخوا سے ایک علیحدہ بیان آتا ہے۔
گوہر صاحب کا علیحدہ بیان آتا ہے، اپوزیشن لیڈر کا علیحدہ بیان آتا ہے۔ گیارہ بارہ قسم کی مختلف آوازیں آتی ہیں،اس لئے میرا اس پہ کمنٹ کرنا وقت کا ضیاع ہے۔ بھارت زخم چاٹ رہا ہے، ان کا میڈیا،حکمران سارے اپنے زخم چاٹ رہے ہیں۔
بھارت میں ان لوگوں کا سیلاب آیا ہوا ہےجو مودی اور اس کی ناکامی پر تنقید کر رہے ہیں۔ بھارت ایسا دشمن ہے جس کا اعتبار نہیں کیا جاسکتا۔ ہر وقت گھوڑے تیار ہیں۔ بھارت نے پھر کوئی ایڈونچر کرنے کی کوشش کی تو اس سے بھی زیادہ منہ توڑ جواب دیں گے۔

مزید پڑھیں :ایل او سی متاثرین کیلئے بڑا ریلیف،وفاق کی جانب سے 53 کروڑ 20 لاکھ روپے کا امدادی پیکیج جاری