نوابشاہ اور خیرپور میں پیش آنے والے دو الگ الگ حادثات میں کم از کم 16 افراد جاں بحق اور متعدد زخمی ہو گئے ہیں۔

پولیس کے مطابق، نوابشاہ میں آمری روڈ پر فتوحل زرداری گاؤں کے قریب زائرین کی وین اور ٹریلر کے درمیان تصادم ہوا، جس کے نتیجے میں 6 افراد کی جان گئی اور 10 زخمی ہو گئے۔ پولیس نے بتایا کہ زخمیوں کو فوری طور پر اسپتال منتقل کر دیا گیا، اور یہ زائرین شہباز قلندر کے عرس میں شرکت کے لیے آ رہے تھے۔

اسی دوران، خیرپور میں بھی قومی شاہراہ پر رانی پور کے قریب زائرین کو لے جانے والی کوچ الٹنے سے 10 افراد جاں بحق اور 30 زخمی ہو گئے۔ ریسکیو ذرائع کے مطابق زخمیوں میں سے 7 کی حالت تشویشناک ہے۔ یہ مسافر کوچ پنجاب سے سہیون جا رہی تھی۔