کراچی(نیوزڈیسک) امیر بالاج قتل کیس کا مرکزی ملزم گوگی بٹ کراچی سے گرفتار کرلیا۔ پنجاب پولیس کی کراچی کے علاقے میں بڑی کارروائی کرتے ہوئے امیر بالاج قتل میں ملوث ملزم گوگی بٹ کو گرفتار کرلیا،
ذرائع کے مطابق ملزم گوگی بٹ کو پرنس روڈ کے قریب سے گرفتار کیا لیا۔ ڈی آئی جی ساؤتھ اسد رضا کا کہنا تھا کہ ملزم کی گرفتاری کے حوالے سے کراچی پولیس کو اطلاع نہیں ملی۔
واضح رہے کہ 19 فروری کو لاہور ملتان روڈ پر شادی کی تقریب میں فائرنگ سے ٹیپو ٹرکاں والا کا بیٹا امیر بالاج ٹیپو جاں بحق اور دو افراد زخمی ہوگئے تھے۔ امیر بالاج ٹیپو کے گن مینوں کی فائرنگ سے حملہ آور مظفر حسین بھی موقع پر مارا گیا تھا۔
