کراچی ( نیوز ڈیسک )شارجہ سے ڈھاکہ جانے والی غیر ملکی ایئرلائن کی پرواز کی کراچی ایئرپورٹ پر ہنگامی لینڈنگ کی گئی جب اس میں سوار ایک 42 سالہ مسافر جاں بحق ہوگیا۔
ایئرپورٹ ذرائع کے مطابق پرواز ڈھاکہ جاتے ہوئے مسافر کی طبیعت خراب ہوگئی۔طبی ایمرجنسی کو تسلیم کرتے ہوئے، پرواز کے پائلٹ نے فوری طور پر ایئر ٹریفک کنٹرول (اے ٹی سی) کراچی سے ہنگامی لینڈنگ کی اجازت طلب کی۔ سول ایوی ایشن اتھارٹی کے ترجمان نے بتایا کہ درخواست کو فوری طور پر منظور کر لیا گیا، اور پرواز G-9512 بحفاظت کراچی ایئرپورٹ پر اتر گئی۔
لینڈنگ کے بعد سول ایوی ایشن اتھارٹی (سی اے اے) کی ایک طبی ٹیم مسافر کی حالت کا جائزہ لینے کے لیے طیارے میں سوار ہوئی۔ بدقسمتی سے، مکمل جانچ کے بعد، طبی ٹیم نے تصدیق کی کہ مسافر پہلے ہی انتقال کر چکا تھا۔ترجمان نے کہا کہ ضروری طریقہ کار کے بعد لاش کو سی اے اے نے ایئر لائن کے حوالے کر دیا۔
یہ پرواز، جو شارجہ سے ڈھاکہ جارہی تھی، اپنا سفر جاری رکھنے سے قبل تقریباً دو گھنٹے تک کراچی ایئرپورٹ پر گراؤنڈ پر رہی۔
مزید پڑھیں: پی ٹی آئی جلسے کے بعد اسلام آباد میں کئی نجی اسکول بند،میٹرو بس سروس بحال
