اسلام آباد(نیوزڈیسک)پاکستان میں ایران کے سفیرنے وفاقی وزیر صنعت و پیداوار اینڈ فوڈ سیکیورٹی رانا تنویر سے ملاقات کی ہے۔
ترجمان وزارت فوڈ سیکیورٹی نے جاری ایک بیان میں کہاکہ ملاقات میں دو طرفہ تعاون اور باہمی دلچسپی کے امور پر تبادلہ خیال ہوا اور ایران کی پاکستان کے ساتھ باہمی دلچسپی کے تمام شعبوں میں اپنے تعلقات کو مزید مضبوط بنانے کی خواہش کا بھی اعادہ کیاگیا۔
اس موقع پر وفاقی وزیر صنعت و پیداوار اینڈ فوڈ سیکیورٹی رانا تنویر نے کہا کہ پاکستان اور ایران دونوں برادر اور پڑوسی ملک ہیں۔
رانا تنویر نے کہا کہ پاکستان کا باسمتی چاول دنیا بھر میں مشہور ہے۔
رانا تنویر نے کہا ایران اور پاکستان ایک مضبوط رشتے سے جڑے ہوے ہیں ، دونوں ممالک صنعتی تعاون پر کام کر سکتے ہیں۔
انہوں نے کہاکہ وزیر اعظم کی ہدایت پر صنعت اور زرعی ترقی پر خصوصی توجہ دی جارہی ہے۔
مزیدپڑھیں:رش کے باعث کپڑے سلائی کرنے سے انکاردرزی کا جرم بن گیا،تشددسے لہولہان
رانا تنویرنے کہاکہ زراعت اور صنعت کی ترقی سے معیشیت میں مزیز بہتری آیے گی معیشت کی بحالی ہماری اولین ترجیح ہے۔
ایرانی سفیر ڈاکٹر رضا امیری مقدم نے کہا ایران کی اعلی قیادت پاکستان کے ساتھ تمام شعبوں میں قریبی تعاون بڑھانے کی حامی ہے۔
سفیر نے مزید کہا کہ پاکستان سے گوشت ،چاول، زرعی پیداوار بالخصوص کنو کی درآمد چاہتے ہیں کیونکہ ایرانی عوام پاکستان کے کنو کو بہت پسند کرتی ہے۔
ایرانی سفیر نے کہا کہ ایرانی صدر کا متوقع آئندہ دور پاکستان میں دونوں ممالک کے درمیان لائیو سٹاک سمیت متعددشعبوں میں مفاہمت کی یاداشت پر دستخط کئے جائینگے۔
ایرانی سفیر نے کہا کہ دونوں ممالک فرٹیلائزر انڈسٹری میں تعاون کر سکتے ہیں۔
ایرانی سفیر نے شنگھائی تعاون تنظیم (ایس سی او)کے آئندہ اجلاس میں شرکت کے لئے ایرانی وزیر صنعت کی جانب سے وفاقی وزیر کو دورہ تہران کی دعوت بھی دی۔
رانا تنویرنے دعوت قبول کرتے ہوئے پیش کش کا خیر مقدم کیا ہے ۔
